ललितपुर । ललितपुरको प्रमुख जिल्ला अधिकारी (सिडिओ)मा सरुवा भएका घनश्याम उपाध्यायले यस अघिका सिडिओ ढुण्डिराज निरौलासँग भेटघाट गर्दै ललितपुरको बारेमा सक्षिप्त जानकारी लिएका छन् । ललितपुरको सिडिओबाट गृहमन्त्रालयमा तानियका निरौलासँग सोमबारबाट सोही कुर्सी सम्हाल्न लागेका नव नियुक्त सिडिओ उपाध्यायले भेटघाट गरेर जानकारी लिएका हुन् ।
सिडिओमा काज सरुवा भएका घनश्याम उपाध्यायले सोमबारबाट कुर्सी सम्हाल्ने भएका छन् । प्रजिअ उपाध्यायले आज जिल्ला प्रशासन कार्यालय पुगेर अवलोकन गरेका हुन्।
ललितपुरमा नयाँ सरुवा भएका प्रजिअ उपाध्यायको यो अवलोकनलाई कर्मचारीहरुले ुछड्के भ्रमणु को रुपमा लिएका छन् । गृह मन्त्रालयबाट दिउँसो १ बजेर ४० मिनेटमा जिल्ला प्रशासन कार्यालय प्रवेश गरेका उपाध्याय ३ बजेर ४५ मिनेटतिर बाहिरिएका थिए ।
सिडिओ उपाध्यायले गृह मन्त्रालय सरुवा भएका ढुण्डिराज निरौलासँग भेटघाट गर्दै ललितपुरको बारेमा सक्षिप्त जानकारी लिए ।
साथै, प्रशासनका वरिष्ठ कर्मचारीहरुसँग अनौपचारिक परिचयसमेत गरे । प्रजिअ उपाध्यायले औपचारिक जिम्मेवारी भने सोमबारदेखि शुरु गरिने बताइएको छ।प्रशासन क्षेत्रमा कुशल प्रशासकको छबि बनाएका उपाध्यायको ललितपुरको जिम्मेवारी सङै ललितपुरमा सुशासनले गतिलिने अपेक्षा गरिएको छ।
प्रतिक्रिया