खडक नगरपालिका–७ कल्याणपुर सप्तरीमा भएको दुर्घटनामा घाइते एक महिलाको आज मृत्यु भएको छ ।
पूर्व–पश्चिम लोकमार्गस्थित कल्याणपुर चोकमा पूर्वबाट पश्चिमतर्फ जाँदै गरेको को१ख ७७८४ नंको बसले ठक्कर दिँदा पैदलयात्री सोही ठाउँकी रामचरित्र भगतकी श्रीमती ४५ वर्षीया ठण्डेश्वरी भगतको मृत्यु भएको प्रहरीले जनाएको छ ।
घाइते भगतलाई उपचारका लागि रुपनीस्थित युनिक अस्पताल भर्ना गरेपछि घाइतेको मृत्यु भएको चिकित्सकले बताएका छन् ।
शव परीक्षणका लागि गजेन्द्रनारायण सिंह अस्पताल राजविराजको शवगृहमा राखिएको छ ।शवको आज परीक्षण गरी परिवारका सदस्यलाई जिम्मा लगाइने जिल्ला प्रहरी कार्यालयका प्रहरी नायब उपरीक्षक माधवप्रसाद काफ्लेले बताएका छ्न।
बस र चालक मोरङ धनपालथान गाउँपालिका–३ का ३२ वर्षीय विनोद राजवंशीलाई प्रहरीले नियन्त्रणमा लिएको छ ।
कात्तिक १०, सप्तरी
प्रतिक्रिया